Bihar 'Ilargia zuzenean' filma proiektatuko da, RoofTop Cinema 2019 zikloko bigarren proposamena

2019ko, uztailaren 22a
Baluarteko terrazak 2014ko udaran abian jarritako RoofTop Cinema zikloaren edizio hontako bigarren hitzordua hartuko du bihar, asteartea: Ilargia zuzenean (2000) filma ikusi ahalko da, Rob Sitchek zuzenduta eta Sam Neill aktorea protagonista duena. Tripulatutako lehen espazio-ontzia ilargiratzearen 50. urteurren honetan, zikloak gogora ekarriko du zinemak gizakion amets horri egin zion ekarpena. Baluartek eta Nafarroako Filmotekak sustatzen duten zine-ziklo honen baitan gurean ikusi ahalko den proiekzioa, komedia doinuan, bertsio originalean eskainiko da, gaztelerazko azpitituluekin, gaueko 22.15ean hasita. Sarrerak 6 eurotan ohiko kanaletan eskura daitezke: Baluarteko txartel-leihatilan, www.baluarte.com web gunean eta 902 15 00 25 telefonoan. Gainera, 2019ko RoofTop Cinema zikloari amaiera emateko, hilak 25ean, ostegunarekin, Moon (2009) proiektatuko da Baluarteko terrazan.
 
UZTAILAK 23 ASTEARTEA - 22:15ETAN
Ilargia zuzenean
(The Dish, 2000)
 
Zuzendaria: Rob Sitch. Gidoia: Rob Sitch, Santo Cilauro, Tom Gleisner, Jane Kennedy. Musika: Edmund Choi. Argazkiak: Graeme Wood (k). Antzezleak: Sam Neill, Kevin Harrington, Tom Long, Patrick Warburton, Genevieve Mooy, Tayler Kane, Bille Brown, Roy Billing, Andrew S. Gilbert, Lenka Kripac, Matthew Moore, Eliza Szonert, John McMartin, Carl Snell. Iraupena: 93 minutu. Jatorrizko bertsioa gaztelaniazko azpitituluekin.
 
Ilargia zuzenean filmak Australiako teleskopio erraldoi baten istorioa kontatzen du, mila tonakoa eta futbol-zelai baten tamainakoa. Azken batean, hego-hemisferioko antena paraboliko handiena. Aipatutako tresna hori gizakia Ilargira lehenbiziko aldiz iritsi zeneko une historikoa emateko erabili behar zen. Egiatan, NASAk Goldstonen (Kalifornia) zuen hargailu nagusiaren euskarria izan behar zuen, baina, borrokarako ezgai utzi zuen istripu baten aurrean, mundu osoak gizakion lehen urratsak satelitean telebistaz ikusteko itxaropen bakarra bihurtu zen Australiako teleskopioa. 
 
Teleskopio erraldoi hori 1969ko uztailean zuzendu zuten hiru zientzialari australiarren eta astrofisikari iparramerikarraren eguneroko bizimoduan ardazten da gidoia –errutinak, jeloskortasuna, maitasuna, estualdiak, balentriak…–, eta, bide batez, abeltzainen herri txiki horretan halako ekitaldi batek sorrarazi zituen ilusioak irudikatzen ditu. Australiako lehen ministroa eta Ameriketako Estatu Batuetako enbaxadorea bera ere izan ziren bertan. 
 
“Komedia pozgarria, gozamen bizia, kutsatzen den lasaitasunez betea, ezin gatzdunagoa, zuhurra eta solidarioa, zoriona ematen duena ikusteak, Frank Capraren komedia solidario eta optimista zahar eta betierekoen eta Londresko Ealing auzoko estudio ospetsuetako gauza miragarri izugarrien arteko bide erdian kokatuta baitago”. (Ángel Fernández Santos: Diario El País)
ampliar noticia

BERRIAK BALUARTE

Joana Meloren fadoak eta Quorum Ballet konpainiaren dantzak Baluarten bat egingo dute gaur arratsaldean

Saudade/Back to fado ikuskizuna 19:00etan hasiko da Baluarte Fundazioaren denboraldiaren baitan

‘Trenera igo!’ erakusketa zabalik egongo da gaur goizez eta arratsaldez

Erakusketa hilak 14an eta 15ean zabalduko da berriro, eta abenduaren 21etik aurrera egunero urtarrilak 5era arte

Baluarte Txiki zikloa datorren astean ‘Zirku hegalaria’ ikuskizunarekin bueltatuko da

Abenduaren 14an taularatuko den ipuin-musikal honetan toy pianoak, musika-laukotea eta narratzailea izango dira protagonistak

‘Expo-Wars’ erakusketa Baluarten urtarrilak 12ra arte bisita daiteke

Star Wars zinema sagaren inguruko bilduma pribaturik handienetakoa den erakusketa 11:00etatik 20:00etara dago irekita

Beatriz Díaz sopranoak Mozart eta Beethovenen kontzertu ariak eskainiko ditu NOSren 5. emanaldian abenduaren 12an eta 13an

Manuel Hernández-Silvaren batutapean, Nafarroako Orkestrak Beethovenen 2. Sinfoniarekin osatuko du programa. Kontzertua hilak 14an Tuteran errepikatuko da

Ohiko Jaiotzen erakusketa Baluarteko Erakuskera Aretoan bisita daiteke

Iruñeko Jaiotzazale Elkarteak antolatuta, erakusketa zabalik egongo da urtarrilak 6ra arte, 10:00etatik 13:30era eta 17:00etatik 21:00etara

Jazzy Leap-ek ‘Christmas in Harlem’ eguberri-kontzertua ekarriko du abenduaren 22an Baluartera

Nafarroako Ganbera Abesbatzaren Encantando Denboraldiko emanaldia 19:00etan hasiko da. Sarrerak, 10 eurotan  

Uso de cookies:
Este sitio web utiliza cookies, tanto propias como de terceros, para recopilar información estadística sobre su navegación. Si continúa navegando, consideramos que acepta su uso. Más información