‘Enperadorearen jantzi berria’ ikuskizuna Baluarten abenduak 27an eta 28an taularatuko da

Baluarteko Areto Nagusiak Enperadorearen jantzi berria ikuskizunaren taularatzea hartuko du heldu den abenduak 27an eta 28an, arratsaldeko 19.30ean, Nafarroako Ganbera Operak eta Baluarte Fundazioak sustatuta. NGOk Iñigo Casalí musikagile nafarrari eskatutako opera komikoa da, Pablo Valdesek gaztelaniaz idatzitako testuaren gainean. Zehazki, abeslari, aktore eta dantzariek enperadore baten istorioa kontatuko digute, zeinak arropa hain zuen gustuko, ezen diru guztia jantzi berrietan xahutzen zuen, erresumako beste inor kontuan hartu gabe. Musika Nafarroako Orkestra Sinfonikoak interpretatuko du zuzenean, Iñigo Casalik berak zuzenduta.

Sarrerak 15 eta 20 eurotan eta 30 urtetik beherakoek 10 eta 15 eurotan eskura daitezke. Gainera, pack familiarra 45 eta 63 eurotan salgai dago, eta beherapen bereziak daude NGOko bazkideentzat, 10 eurotan, eta 10 pertsonatik gorako taldeentzat, sarreran %20eko deskontuarekin. Txartelak ohiko kanaletan eskura daitezke: Baluarteko txartel-leihatilan eta www.baluarte.com web-orrian.