'Etorkizunerako itzulera' filmak Zinema Beach zikloari amaiera emango dio gaur Baluarten

Zinema Beach zikloak Baluarteko hondartza-denboraldiari amaiera emango dio gaur, hilak 27, ETORKIZUNERAKO ITZULERA (Back to the Future, 1985) filmaren proiekzioarekin Iruñeko auditorioko Erakusketa Aretoan. Hamakak, txiringitoak, chill out gunea eta vóley-playa pista dituen hondartza bilakatutako espazioak film honen proiekzioa hartuko du, Bob Gale eta Robert Zemeckisen gidoiarekin, eta azken honen zuzendaritzarekin, eta Michael J. Fox eta Christopher Lloydekin rol nagusietan, estreinaldiaren urtean filmik arrakastatsuena bihurtu zena.

Proiekzioa 22:00etan izango da, baina Baluarteko 'hondartza'-ra sartu ahal izango da 20:30etatik aurrera, udako giroaz gozatu ahal izateko. Gure 'hondartza' berezi honetan hamakak, hondarra eta txosnak ez dira faltako. Sarrerak agortu dira.

Zinema Beach ziklora etortzeak saria du. Horretarako, hainbat promozio berezi abian jarri dira: udako zinemaz gozatzera hondartzako aulkiarekin joaten direnek izozki bat eramango dute opari gisa; Zinema Beachera familiarekin edo koadrilan etortzen direnek, eta gainera hondartzako janzkera ekartzen badute, freskagarri bat, kanabera edo ardo bat lortuko dute; flotagailuarekin, igerilekuko txanoa jantzita eta hawaiiar alkandora jantzita joaten direnek braba edo hanburgesa txiki batzuen artean aukeratu ahal izango dute; eta saio bakoitzeko pelikularen gaiarekin bat datorren mozorroa jantzita hondartzaz gozatzera etortzen direnek afaltzeko gonbidapena jasoko dute.