Euskadiko Orkestraren 2026/27 Denboraldirako sarrerak salgai daude jada

Euskadiko Orkestrak urriaren 3tik maiatzaren 31ra bitartean Baluarten eskainiko duen 2026/2027 Denboraldiko hamar kontzertuetarako sarrerak salgai daude jada. Publiko orokorrarentzako 10 €-tik gorako salmenta-prezioarekin, denboraldiko 10 programetako sarrerak erosi ahal dira euskadikoorkestra.eus web-gunearen bitartez edo Baluarteko txarteldegian.

Denboraldi berriak giza izaeraren galdera handietan barrena doan ibilbidea proposatzen du: bizitza eta heriotza, patua, itxaropena, memoria, identitatea edo askatasuna. Gustav Mahlerren espiritualtasunetik Dmitri Xostakovitxen tentsio politikora; Bachen soinu-unibertsotik Stravinskiren modernitatera; Aita Donostiaren eta Jesus Guridiren euskal musika-ondaretik Pacho Floresen latinoamerikar bizitasunera doan bidaia.

Mahler 2 - Berpizkundea (urr 3)
Aita Donostia - La vie profonde de Saint François d’Assise (aza 11)
Falla / Debussy / Stravinsky (aza 24)
Enigma (abe 4)
Bach - Inspirazio (urt 13)
Prokofiev / Schumann (ots 5)
Amerika (mar 12)
Schumann / Brahms (api 9)
Mahler - Tragikoa (api 23)
Bartok / Shostakovich (mai 31)