'Loti Ederra' balleta 2027ko otsailaren 21ean iritsiko da Baluartera

Loti Ederra, errepertorio klasikoko obra handienetako bat eta balletaren dotorezia, fantasia eta distiraren ereserkia, Baluarteko Areto Nagusira iritsiko da 2027ko otsailaren 21ean (18:00etan), Imperial Heritage Ballet konpainiaren eskutik. Jauregi, maitagarri, sorginkeria eta errege-ospakizunez beteriko mundu liluragarri batera eramango duen ipuin honek Aurora printzesaren istorioa kontatzen du: madarikazio batek markatutako printzesa, maitasunaren indarrak gidatua.

Ballet klasikoko emanaldi honetarako sarrerak 34, 39 eta 42 eurotan Baluarteko txarteldegian eta NICDOk La Morea merkataritza-gunean duen informazio eta salmenta-putuan salgai daude dagoeneko. Online ere eskuragarri daude, www.baluarte.com webgunearen bidez, 37, 42 eta 45 eurotan (kudeaketa-gastuak barne). Gainera, Sarrera Irisgarriak (MUPak eta PDSak) erosteko aukera dago.