Txinako Zirku Akrobatiko Handia, urteko azken ikuskizuna Baluarten

Txinako Zirku Akrobatiko Handia Baluartera bi emanaldirekin iritsiko da abenduaren 30ean, arratsaldeko 17:00etan eta 20:00etan, familia osoarentzako abentura "magiko" batekin. Konpainiak akrobazia, malabarismo, magia, dantza eta musikaz betetako proposamen eszenikoa aurkeztuko du. Sarrerak 28 eta 33 euro bitartean www.baluarte.com webgunean, Baluarteko txarteldegian eta NICDOk La Morea merkataritza-gunean duen informazio eta salmenta puntuan eskura daitezke. Bigarren emanaldirako oso txartel gutxi geratzen dira.

Baluarteko Areto Nagusian urtea agurtuko duen hitzordu honetan, ikusleek esploratu gabeko espazioetan lagunduko diote protagonistari, fantasiaren ateen atzean zabaltzen den espazio ezezagunean barrena barneratzeko gai den haurrari. Bere espiritu abenturazaleari esker, Fenix maitagarri ederra ezagutuko du, itsasoan hegan dabilena. Bere edertasunaz liluraturik, bera harrapatzen saiatzen da, baina jauzi egitean, ozeanoan erortzen da eta hondoratu egiten da. Maitagarriak haurra salbatzea lortzen du eta eguzki epelerantz hegan egitera gonbidatzen du, eta bere eskutik itsas mundu zoragarria ezagutuko du. Horrela, fantasiazko mundu bat zeharkatuko dute elkarrekin, non hegazti kantariak zeruetan barrena dabiltzan, eta pailazo eta kapela hegalariek bizitza bizia eta ludikoa erakusten dute beren distira osoan. Baina landaretza oparoaren atzean segaturiko izpiritu gaiztoen begiek zaindu egiten dituzte, eta haiek akabatzen eta bidaia hori amesgaizto bihurtzen saiatuko dira.