Euskadiko Orkestrak Schubert eta Strauss interpretatuko ditu Baluarten, maiatzaren 6an emango duen bederatzigarren abonu-kontzertuan

Euskadiko Orkestra abonu denboraldiaren azken txanpan sartuko da Baluarten, Schubert / Strauss izeneko 9. programarekin. Kontzertua maiatzaren 6an (19:30ean) Iruñeko auditoriumeko Areto Nagusian izango da eta podiumean Royal Northern Sinfoniaren titularra den Dinis Sousa zuzendari portugaldarra egongo da, Suhar Koruak abestutako gaueko gaiak lantzen dituzten bi obra zuzenduko dituena: Schuberten Gaueko abestia basoan lied korala, gizon-ahotsetarako eta lau tronparako; eta Richard Straussen Eguneko uneak kantataren laugarren mugimendua. Zehazki, Gaua da, eta egile beraren Arrosaren zalduna operako Suitearekin lotuko da. Bi obra horien artean, Euskadiko Orkestrak Rendering interpretatuko du, Luciano Beriok gauean galdutako sinfonia bat zaharberritzeko erabili zuen sorkuntza hibridoa: Schubertek 31 urterekin hil zenean proiektuan zuen 10. sinfonia.

Sarrerak 10 eta 40 euro bitartean euskadikoorkestra.eus helbidean eta Baluarteko txarteldegian eskura daitezke.