Euskadiko Orkestrak Donostiako Orfeoia izango du gonbidatu maiatzaren 5ean, Baluarten eskainiko duen denboraldiko 8. kontzertuan

Euskadiko Orkestrak 2025/26 Denboraldi Sinfonikoaren programa berria aurkeztuko du Baluarten maiatzaren 5ean (19:30ean). Orkestrak Iruñeko entzunaretoan emango duen zortzigarren kontzertuan Donostiako Orfeoiak hartuko du parte gonbidatu gisa, eta lau bakarlarirekin batera Ich habe genug interpretatuko du, Johann Sebastian Bachen kantata sakratu hunkigarrienetako bat. Alexander Liebreich errepertorio sinfoniko-koraleko adituaren zuzendaritzapean, Euskadiko Orkestrak Richard Straussen Heriotza eta transfigurazioa poema sinfonikoa eta Walpurgisen Lehen gaua interpretatuko ditu, azkeneko hau Felix Mendelssohnek Germaniako lurretan sakon errotutako antzinako jai pagano honi omenaldia egiteko erabili zuen oratorioa.

Sarrerak 10 eurotik aurrera salgai daude euskadikoorkestra.eus webgunean eta Baluarteko leihatilan (kontsultatu prezio bereziak).