Gora Musika! taldeak familia ikuskizun bat aurkeztuko du Baluarten abenduaren 22an

Gora Musika! ikuskizuna heldu den abenduaren 22an (18:30ean) iritsiko da Baluartera, Oiane eta Urko Ene Kantak taldeko kide ohien eskutik. Proiektu honekin bidaia berri bat hasi dute, Korrontzi folk taldeak, Bixente Martinez musikariak, hainbat dantzarik eta erraldoiek lagunduta; elkarrekin, Baluarteko Areto Nagusira proposamen musikal bat ekarriko dute, Gabonetako jaien bezperetan gozatzeko. Sarrerak 15 eta 19 eurotan www.baluarte.com webgunean, Baluarteko txarteldegian eta NICDOk La Morea merkataritza-gunean duen informazio- eta salmenta-puntuan eskura daitezke.