Maluk 'Quince Tour' bira berria Baluartera ekarriko du azaroaren 28an

Malu abeslaria, gure herrialdeko pop artista sendoenetako bat, hirugarrenez arituko da Baluarten heldu den azaroaren 28an, gaueko 21:00etan. Quince kaleratu ondoren, bere ibilbide osoko albumik intimo eta emozionalena, artista madrildarra Areto Nagusira iritsiko da Quince Tour bira berriaren baitan; bira horrekin herrialde osoa zeharkatuko du datozen hilabeteetan. Quince proiektuaren unibertso emozionalaren zuzeneko itzulpena izango da kontzertua. Malu inoiz baino libreago, indartsuago, kontzienteago eta bere buruarekin konektatuago agertzen da proiektu horretan, eta 15 urte baino ez zituela bere ibilbidea hasi zuen neskatoarekin adiskidetzen da. Kontzertuan, disko berriko abestiak eta beren ibilbidea markatu duten eta jada espainierazko musikaren historiaren parte diren ereserki handiak uztartuko dira.

Sarrerak 45, 50, 55, 65 eta 70 eurotan Baluarteko txarteldegian eta NICDOren informazio- eta salmenta-gunean, La Morea merkataritza-gunean salgai daude. Halaber, online ere eskuragarri daude, www.baluarte.com webgunearen bidez, 45,95 / 50,95 / 55,95 / 65,95 eta 70,95 eurotan (kudeaketa-gastuak barne). Gainera, Sarrera Irisgarriak (MUPak eta PDSak) erosteko aukera dago.