Miguel Ríosen 'El último vals' birak geldialdia egingo du Baluarten urtarrilaren 17an

Miguel Ríos, gaztelaniazko rockaren mito bizia, eszenatokietara itzuli da bizitasun handiz eta material berria besapean duela. El último vals birak geldialdi bat egingo du Baluarten 2026ko urtarrilaren 17an. Bertan, zuzenean joko ditu bere lan berriko kantuak, “bizitzari egindako kantu bat, adin berantiarreko talaiatik”, bai eta bere arrakasta handietako batzuk ere. Agertokian instrumentu anitzeko lau musikarik lagunduta eta formatu elektroakustikoan, Miguel Ríosek rocka eta country musika uztartuko ditu Areto Nagusiko eszenatokian. Sarrerak 45 eta 70 euro bitartean www.baluarte.com webgunean, Baluarteko txarteldegian eta NICDOk La Morea merkataritza-gunean duen informazio eta salmenta puntuan eskura daitezke.

Santa Lucía, Bienvenidos, Blues del autobús edo Insurrección bezalako abesti ezagunen egilea den Granadako rockeroak, Mexikoko Auditorio Nazionala bete berri du eta Espainian egingo duen bira berriak herrialdeko antzoki eta auditoriorik onenetan barrena eramango du, hala nola Bartzelonako Liceu, Sevillako Maestranza, A Coruñako Colón edo Bilboko Euskalduna Jauregian.