Mikel Bermejo maiatzaren 1ean itzuliko da Baluartera 'Eureka' bakarrizketarekin

Mikel Bermejo euskal komiko eta gidoigilea Baluartera itzuliko da datorren maiatzaren 1ean (19:00etan) Eureka bakarrizketarekin. Proposamen honetan, donostiar umoristak bakarrizketa klasikoa (stand-up) eta publikoarekiko bat-bateko interakzioak (crowdwork) uztartzen ditu, ikuskizun dinamiko eta gaurkotu bat sortuz. Eurekak egungo ohiturei, kultura digitalari, autolaguntzari eta bizitza modernoaren paradoxari buruzko begirada kritiko, zorrotz eta komikoa eskaintzen du.

Sarrerak 40 eurotan Baluarteko txarteldegian eta NICDOren informazio- eta salmenta-gunean, La Morea merkataritza-gunean jada salgai daude. Halaber, online ere eskuragarri daude, www.baluarte.com webgunearen bidez, 20,95 eurotan (kudeaketa-gastuak barne).