Su-artifizial gauak, Baluarteko terrazatik

Baluartek hirugarren solairuko terraza Sanferminetako gau guztietan zabaltzen du, uztailaren 6tik 14ra, publikoak jaietako programazioaren une berezietako batez goza dezan: Iruñeko Ziudadelatik jaurtitzen diren su artifizialen bildumaz leku pribilegiatu batetik gozatzea, giro paregabean eta eskaintza gastronomiko eta musikalarekin. Zehazki, terrazara 21:00etatik aurrera sartu ahal izango da.

Esperientzia su-artifizialen ikuskizunetik haratago joango da. Gauero, terrazak DJ bat izango du zuzenean eta edariak erosteko barra izango du. Era berean, 3. solairuko barruko atarian giro-musika egongo da su-artifizialen jaurtiketaren aurretik eta ondoren (01:00ak arte),  eta Grupo Luze-ren esku dagoen Baluarteko jatetxe-zerbitzua arduratuko da tapak, errazioak eta kopak zerbitzatuko diren barrak atontzeaz. San Fermin gauak altueratik familian edo lagunekin bizitzeko proposamen oso bat izango da dudarik gabe.