Pablo Lopezek Baluarten kontzertua eskainiko du 2026ko apirilaren 24an

Iruñeko auditorioa lehen aldiz bisitatu eta hamar urtera, Pablo Lopez Baluarteko agertokira igoko da berriro heldu den apirilaren 24an (20:00etan). Espainiako antzoki eta auditorio nagusietan egingo duen El Niño del Espacio izeneko biraren baitan eskainiko du kontzertua Areto Nagusian. Zehazki, Pablo Lopezek bere ibilbide musikaleko arrakasta handiak eta album berriko abestiak biltzen dituen errepertorioa interpretatuko du zuzenean.

Sarrerak 58, 69 eta 79 eurotan ohiko kanaletan eskura daitezke jada: www.baluarte.com webgunean, Baluarteko txarteldegian eta NICDOk La Morea merkataritza-gunean duen informazio eta salmenta puntuan.