Bihar hasiko da Baluarten Pamplona Negraren hamargarren edizioa

PAMPLONA NEGRA genero beltzeko idazleen eta publikoaren arteko topaketa Baluarten hasiko da bihar. Larunbata arte, Baluarte eleberri beltzaren eta zinema beltzaren gune bilakatuko da ondoz-ondoko hamargarren urtez, seigarrena Susana Rodriguez Lezaun idazle nafarraren zuzendaritzapean. Estatuko jaialdi noir nabarmenenetariko bat bezala finkatuta, 2024ko edizio berri hau urtarrilaren 22tik 27ra ospatuko da The dark city eleberria lelopean, Hiria ardatz hartuta eta PROGRAMA interesgarri batekin.

Lehen jardunaldi hau 18:00etan hasiko da, Pamplona Negraren inaugurazio ofizialarekin, Jaildiko zuzendari Susana Rodríguez Lezaun idazle nafarraren eskutik. Ondoren, eguneko hitzordu nagusia programazioaren lehen mahai-ingurua izango da: Horrela hasi zen dena izenburupean, 2015ean Pamplona Negraren lehenengo solasaldian protagonistak izan ziren autoreak Baluarteko oholtza gainean izango dira berriz ere: Víctor del Árbol, Eugenio Fuentes, Santiago Álvarez eta Paco Gómez Escribano, garai hartan jaialdiaren zuzendaria zen Carlos Bassasek moderatuak. 

Etenaldi labur baten ostean, 19:05ean eguneko beste hitzordu nabarmenetako baten txanda izango da, Jaialdiko eztabaidaezin baten itzulerarekin: El crimen a escena. Nola sortu CSI bat izenburua duen lehen atalean, Sergio Sanvicente Polizia Nazionaleko inspektoreak zuzenean azalduko du nola lan egin zuen Malin herrialdeko lehen brigada zientifikoa osatzeko. Bi hitzorduetarako sarrera librea izango da lekua bete arte.

Gainera, bihar ere Nobela Beltzaren Tailerraren lehen saioa egingo da Gola Aretoan (16:00etan), Jordi Ledesma idazlearen eskutik eta Narratiba ikuspegi neokriminaletik izenburupean. Eta egunari amaiera emateko Baluarten, programazioko hiru film beltzetako lehena proiektatuko da 20:15ean. Zehazki, Robert Hamerrek zuzendutako 1947ko It Always Rains on Sunday filma proiektatuko da. Alberto Cañada Nafarroako Filmategiko arduradunak aurkeztuko du emanaldia. Proiekzioa jatorrizko bertsioan egingo da, gaztelaniazko azpitituluekin. Sarrerak 3 eurotan baluarte.com webgunean, www.pamplonanegra.com webgunean, Baluarteko leihatilan eta NICDOren La Morea merkataritza-gunean eros daitezke.

Jaialdiaren lehen egunari amaiera emateko, programazioaren beste estreinaldietako bat: whiskyari buruzko literatur hitzaldi-dastaketa bat, arratsaldeko 20:45ean, Napargarren (Gaztelu plaza, 32), Whiski On The Words izenburupean. Partaideek eleberri beltzari lotuta egon ohi diren misterioak ezagutzeko aukera izango dute, Santiago Álvarez idazleak aukeratutako lau pertsonaia mitikoren bidez: Wallander, Lisbeth Salander, Quircke eta Bernie Gunther. Ekitaldi honetan hainbat whiskie dastatu ahal izango dira, hala nola LAPRHOAIG, Glenmoraengie, Jameson eta Tullamore Dew. Ekitaldiaren edukiera mugatua da eta sarrera batzuk salgai daude. Sarrera bakoitza 15 euroan eskura daiteke.