Samuel Mariño sopranistak aria barrokoen errezitaldia eskainiko du Baluarten maiatzaren 9an

Samuel Mariño sopranista venezuelarrak Iruñean egingo du debuta maiatzaren 9an (19:30ean) Baluarteko Areto Nagusian egingo den aria barrokoen errezitaldi batekin. Baluarte Fundazioaren 24-25 Denboraldi Nagusiko hamargarren hitzordu honetan, Andrés Gabetta biolin-jotzaileak zuzendutako Gabetta Consort talde historizistarekin batera arituko da agertokian. Programaren lehen atalean, Henry Purcell, Antonio Vivaldi, Georg Friedrich Händel eta Carl Heinrich Graunen obrak interpretatuko dituzte; eta bigarrenean, Händelen Il delirio amoroso kantata.

Sarrerak 32€ eurotan, eta 30 urtetik beherakoentzat, 28 eurotan, ohiko kanaletan eskura daitezke: www.baluarte.com web-orrian, Baluarteko txarteldegian eta NICDOk La Morean duen informazio- eta salmenta-gunean. Gainera, kontzertua baino hiru egun lehenagotik 30 urtetik beherakoek txartelak 10 eurotan erosi ahal izango dituzte (soilik txarteldegian).