Baluartek 'TAUPAKA' musikala hartuko du urriaren 2an, Jaso Ikastolaren hamalaugarren ikuskizuna

Heldu den urriaren 2an, Jaso Ikastolak TAUPAKA musikala Baluarteko Areto Nagusian taularatuko du, arratsaldeko 18:00etan. Ikastolak abiarazi duen hamalaugarren ikuskizun honek, bere taldearen hezkuntza-, hizkuntza- eta arte-gaitasunak jokoan jartzeaz gain, erritmo pertsonalaren defentsa egiten du, lasaitasunerako bidaia bat egiten du eta norberaren bihotza presioaren gainetik entzuteko gonbidapena egiten du. Sarrerak 15 eurotan Baluarteko txarteldegian eta NICDOk La Morea merkataritza-gunean duen informazio eta salmenta-puntuan salgai daude. Online ere eskuragarri daude, www.baluarte.com webgunearen bidez, 15,95 eurotan (kudeaketa-gastuak barne). Gainera, Sarrera Irisgarriak (MUPak eta PDSak) erosteko aukera dago.

Ikastetxeko ikuskizun berri hau STEAM metodologian (Zientzia, Teknologia, Ingeniaritza, Artea eta Matematika) oinarritutako sormen, ekintzailetza, lan kooperatibo eta autogestioko hezkuntza-programa baten emaitza da. Horren alde egin du Iruñeko ikastola honek, eta urtero garatzen dute ikasleek ikasturte osoan. Proiektu honetan 12 eta 15 urte bitarteko DBHko 50 ikasle inguruk hartzen dute parte, ikastetxeko irakasleek, gurasoek eta boluntariotza-lanak lagunduta, Imanol Janices eta Irantzu Zabalza irakasleen zuzendaritzapean. Musika ikuskizunak, gainera, orkestra propioa du, ikasle ohiek, irakasleek eta senideek osatua.

TAUPAKA musikalak honako historia oholtza gainera eramaten du: Eli MIR azterketarako ari da prestatzen. Bere bizitza osoan helburu bakarra izan du: zirujaua izatea. Baina nahi hori benetan berea al da, ala ingurukoek inposatutako ametsa? Presioa eta exijentzia bere eguneroko errutina bihurtu dira, eta horiek kudeatzea ikastea da musikal honen bihotza. Istripu latz baten ondorioz, ikuslea ospitaleko larrialdietara eramango du istorioak, non tentsioa, estresa eta perfekzioaren zama uztartzen diren.