Valentín Larrea konpositorearen jaiotzaren 150. Urteurrena (1876-1970)

Valentín Larrea Iturberen (Gabiria, 1876 – Iruña, 1970) jaiotzaren 150. urteurrena dela eta, Nafarroako Orkestra Sinfonikoak Valentín Larreari eskainitako omenaldi-kontzertua eskainiko du Baluarten, konpositore honen figura eta obra berraurkitzea helburu. Yorrick Troman izango da kontzertino-zuzendaria, eta María Setuain Belzunegui arduratuko da musika-bitartekaritzaz eta azalpenak emateaz. Jarduera Nafarroako Musika eta Arte Eszenikoen Artxiboak (AMAEN) antolatutako 2026ko Otoño Archimusical zikloko jarduera-programaren barruan dago.

Proposamenak ibilbide musikala planteatzen du, eta horren bidez, ikus-entzuleek Valentín Larrearen ibilbidera pixkanaka hurbiltzeko aukera izango dute: lehenik, bere garaiko testuinguru historiko eta musikalean; ondoren, Iruñeko musika-bizitzako figura nabarmen gisa; eta, azkenik, ahots propioa zuen konpositore gisa, tradizio akademikoa eta euskal musika-ondarearekiko inspirazioa uztartzen zituena. Kontzertu bat baino gehiago, hitzorduak Valentín Larrearen musika ikuspegi historiko batetik entzutera eta ulertzera gonbidatzen du, haren ondarea berreskuratzen lagunduz eta haren obra Nafarroako musika-ondarearen barruan kokatuz.

PROGRAMA

Lehen zatia: Ibilbide bat nola hasten den
• Minuetto en re
• Andante en do mayor
• Andante en do

Bigarren zatia: Ezinbesteko figura bat nola eratzen den
• Rêverie
• Adagio para instrumentos de cuerda
• Meditación religiosa para instrumentos de cuerda

Hirugarren zatia: Konpositore baten ahotsa eta haren ondarea berreskuratzea
• Preludio vasco n.º 3 para instrumentos de cuerda