CanSat proiektuen aurkezpena epaimahaiaren aurrean

CanSat Europako Espazio Agentziaren ekimena da, eta Europa osoko bigarren hezkuntzako ikasleei erronka hau proposatzen die: freskagarri-lata baten tamainako satelite txiki bat eraiki eta jaurtitzea. Martxoaren 27an Lerinen egingo diren jaurtiketen ondoren, hilaren 28an Baluartek proiektuen aurkezpenak hartuko ditu epaimahaiaren aurrean. Nafarroako Eskualde Fasearen VIII. edizio honetan, Iruñea, Martzilla eta Tafallako 10 ikastetxetako 18 taldek hartuko dute parte. Guztira 80 ikasle inguru bilduko dira euren lanak aurkezteko. Proiektuak azaldu ondoren, Estatuko fasean lehiatuko den taldearen berri emango da.