El Gran Show - Musikala

El Gran Show, Showman Handia filmaren egokitzapena, Show Business delakoaren jaiotza ospatzen duen musikala da, eta P.T. Barnum showman ameslari eta zirkuko enpresariaren istorioa kontatzen du. Ezerezetik sortu zen, mundu-sentsazio bihurtu zen ikuskizun bat sortzeko, eta «Lurreko ikuskizunik handiena» izenez ezagutu zen.

25 artista izango ditu Baluarteko agertokian, dantzari, abeslari eta aktoreen artean; eszenaratze original eta harrigarria izango du, eta, gainera, arte eszenikoetako profesionalek ad hoc sortutako makillajea eta jantziak izango ditu. Hori guztia zuzeneko ahotsekin, Miriam Forteren koreografiekin eta Emilio Dávila eta Christian Martínezen egokitzapen eta zuzendaritzarekin.

LABURPENA

Estatu Batuak, XIX. mendea. P.T. Barnumek bulegari lana galdu berri du, lan egiten zuen enpresak porrot egin duelako. Bere emazte Charity eta bi alabei beti agindutako bizitza eskaintzeko irrikaz, Barnum sekulako proiektu batean murgiltzen da: zirku ikuskizun handi eta harrigarri bat sortzea. Horretarako, Show Bussines-en asmatzaile honek artista paregabeak bilatuko ditu, dantzariak, emakume bizardunak, tatuatuak, altuak... eta era guztietako ikuskizun irudimentsuak. Bere leloa: Zerbait berria egiteko, ohikoa ez den zerbait egin behar da.