Mendeko eklipsea segurtasunez fotografiatzea

NICDOk, Planetario Pamplona zentroaren bidez, Nafarroako AREGNA-NAGE erreportari grafikoen elkartearekin lankidetzan dihardu, abuztuaren 12ko eklipsearen estaldura grafikoan oinarritutako informazioaren profesionalei zuzendutako prestakuntza saio bat antolatzeko. Ikastaroa Baluarten izango da, eta Eduardo Blanco argazkilari nafarrak emango du. Naturako argazkigintzan espezializatuta dago, eta esperientzia du uda honetako eklipsea bezalako fenomeno astronomikoen irudia hartzen.

Jardunaldiak eduki teorikoa izango du, baita saio praktiko bat ere, tekniken, iragazki espezifikoen eta abarren erabilerari buruzkoa. Horiek guztiak kontuan hartu beharko dituzte erdialdean eta Nafarroako Erriberan fenomenoaren irudiak hartu nahi dituzten profesionalek, eguzki eklipsea erabatekoa izango baita.

Ekintza hau Nafarroako Gobernuak eta NICDO – Planetario Pamplona erakundeak 'Trío de Eclipses España' Estatuko programaren barruan eta “la Caixa” Fundazioarekin eta Marca Navarrarekin lankidetzan sustatutako EKLIPSE proiektuak antolatzen dituen dibulgazio jardueren multzoaren parte da.