Bartzelonako Nil Moliner musikagile eta abeslariak Baluarteko Areto Nagusian emanaldia eskainiko du apirilaren 10ean, larunbatarekin, arratsaldeko 19:00etan, Zero Biraren baitan. Promociones Musicales Get In-ek sustatutako kontzerturako sarrerak agortu dira.

 

Nil Molinerrek bere ibilbidea bakarlari gisa 2008an hasi zuen, 15 urte zituela; tabernetan beste artisten abestien bertsioak egiten. Harrezkeroztik bertsio ugari grabatu ditu Rosana, La Pegatina, Txarango edo Raon Mirabet bezalako artistekin batera. Nil Moliner-en ezaugarri nagusiak bizitasuna eta baikortasuna izan dira beti.

 

Bailando en la Batalla bere lehen diskarekin Espainiako salmenta zerrenda ofizialean 2. postua lortu zuen, eta 1. postua Estatu mailako artista bezala. Soldadito de Hierro 'single'-a instagrameko top 10ean kokatu da eta platinozko disko bikoitza lortu du. Gainera, Mi Religión 'single'-arekin ere platinozko diskoa lortu du eta urrezko 4 disko ere dauzka bere baitan El Despertar, Esperando, Hijos de la Tierra eta Sin Tu Piel abestiei esker.