Baluarteko Ganbera Aretoak Baluarte Txiki zikloko bigarren hitzordua hartuko du heldu den astean, abenduaren 11n larunbatarekin, arratsaldeko 17:00etan: La lógica de lo imposible magia ikuskizuna. Ordu batean baino gehiagoan, Hodei Magoak ezinezkoa errealitate nola bilakatu daitekeen erakutsiko du. Haur- eta familia-publikoari zuzendutako emanaldi honetan, denok ezagutzen dugun magia klasikoa eta magia modernoa batzen dira: itxura batean eginezinak diren ihes-saioak egongo dira, zatitan mozten direla diruditen gorputz-atalak, igarpen imajinaezinak eta bai saio handi bat ere, non publikoak parte hartuko duen eta magia, erritmoa eta umorea lehen pertsonan sentituko duen.

 

Ikuskizunak 80 minutuko iraupena izango du eta 5 urtetik gorako umeentzat gomendatuta dago. Sarrerak 8 eurotan ohiko kanaletan eskuratu ahal izango dira: Baluarteko txartel-leihatilan eta www.baluarte.com web-orrian. Gainera, 4 sarrera-sortak ere salduko dira, 25 eurotan, soilik txarteldegian.

 

Baluarte Txiki zikloko hurrengo hitzorduak hauek izango dira: 4 Urtaroak (urt. 29, gazt), Musicando cine / Zinema musikatuz (ots. 12, gazt-eu), Kl’aa tu canción (mar. 26) eta ROUTE 6.6 (api. 30, gazt-eu).