Baluarteko Areto Nagusiak Baluarte Txiki zikloko hirugarren hitzordua hartuko du heldu den urtarrilaren 29an, larunbatarekin: 4 Urtaroak ikuskizunaren bi emanaldi hain zuzen ere, 17.00etan eta 18:30ean, Fueradeleje Danza taldearen eskutik. Konpainiak eszenaratze abangoardista proposatzen du partitura klasiko baterako, eta bertan txikiak eta handiak dantza garaikidearen arloan sartuko dira. Mugimenduaren bidez eta elementu plastikoekin eta ikus-entzunezko elementuekin jolasten, Vivaldiren Lau Urtaroetako musika hari gidaria izango da dantza-proposamen honetarako, publikoari udaberrira, udara, udazkenera eta negura bidaiatzen laguntzeko sentipen desberdinak eragiteko xedearekin. Oholtzan Itxaso Etxepeteleku, Paula Fortún, Virginia Oroz eta Iñaki Fortún egongo dira.

 

Ikuskizunak 50 minutuko iraupena izango du eta 4 urtetik gorako umeentzat gomendatuta dago. Sarrerak 8 eurotan ohiko kanaletan eskuratu ahal izango dira: Baluarteko txartel-leihatilan eta www.baluarte.com web-orrian. Gainera, 4 sarrera-sortak ere salduko dira, 25 eurotan, soilik txarteldegian. 

 

Baluarte Txiki zikloko hurrengo hitzorduak hauek izango dira: Musicando cine / Zinema musikatuz (ots. 12, gazt-eu), Kl’aa tu canción (mar. 26) eta ROUTE 6.6 (api. 30, gazt-eu).