Diego El Cigala Baluartera itzuliko da igandean, hilak 19an (19:00etan), Bebo Valdes piano jotzaile kubatarrarekin grabatu zuen Lágrimas Negras diskoaren hogeigarren urteurrena ospatzeko. Harekin batera, Areto Nagusian musika anplifikatuko lehen kontzertua eskaini zuen, Iruñeko auditorioa ofizialki inauguratu eta biharamunean (2003ko urriaren 31n). Albumak bi milioi kopia baino gehiago saldu ditu mundu osoan, eta, besteak beste, Alicia Keys, Alejandro Fernández, Chavela Vargas, Ricky Martín eta Lila Downs artisten laguntza izan du. 20 años de Lágrimas urteurren bira hau joan den urriaren 13an hasi zen Dallasen (Texas) eta Estatu Batuetako 10 hiri zeharkatuko ditu, ondoren Espainian lurreratzeko.

 

Sarrerak 55 eta 60 eurotan www.baluarte.com webgunean, auditoriumeko txarteldegian eta NICDOk La Morean jarri duen salmenta-gune berrian eskura daitezke.

 

Lágrimas Negras 2003an argitaratu zuen Calle 54 Records zigiluak, Fernando Trueba eta Javier Limónen ekoizpenarekin, eta urte horretako diskorik onena izendatu zuen New York Times-ek. Gainera, bi Grammy sari eta BBCren World Music saria irabazi zituen, besteak beste.