Baluarteko Areto Nagusiak Mecano taldeari omenaldia hartuko du bihar, hilak 10ean (20:00etan), Hija de la Luna ikuskizunarekin. Robin Torres aktore, abeslari eta dantzari sevillarrak interpretatuko ditu hirukotearen abesti ikonikoak. Sarrerak 32, 35 eta 38 eurotan www.baluarte.com webgunean, auditoriumeko txarteldegian eta NICDOk La Morean jarri duen salmenta-gune berrian eskura daitezke.

 

Kritikaren arabera, "1992 urteko Mecano taldera itzultzea" edo "Mecanori buruzko ikuskizunik onena" da Baluarten gozatu ahal izango den proiektu hau; 2016an sortu zuten, Espainiako poparen talderik garrantzitsuenetako baten omenez. Kontzertuak erreprodukzio klonatu bat eskaintzen dio publikoari, "omenaldia gainditzen duena, ikuskizun musikal oso bat bihurtuz". Sei urteko biraren ondoren, eta Espainian eta Latinoamerikan 250 kontzertu baino gehiago eman ondoren, agertokietara itzuliko da Mecanoren ibilbideko birarik garrantzitsuenean oinarritutako ikuskizun berri batekin, Descanso dominical, hain zuzen ere.